Album

Stolen_post

هل انتم كبنات شايفين إن ينفع أصلا إن حد يديلكم قيمه ماديه؟ يعني ينفع إنك تقولي أنا الشبكه بتاعتي بكذا والمهر كذا والمؤخر كذا؟ لو آه, يبقي ياريت كل واحدة تكتب قيمتها كام. يعني هي شايفة هي تسوي كام. لو لأ, يبقي إنتي من الفئه النادره اللي شايفة إن شبكه ومهر بجنيه زيهم زي مليار طالما اتحدد رقم يبقي إنتي بقيتي سلعه . بالنسبة للناس اللي بتقول إن الجواز من مصريه ده كده ارخص حاجة. تعالوا اصدمكم صدمه عمركم واشرح ليكم بايجاز شديد كده الجواز بيتم إزاي في اوروبا وامريكا بس بيتم إزاي. مش هتكلم على جنوب شرق اسيا ولا امريكا الجنوبيه. هتكلم عن اعلي دول في العالم. الموضوع ببساطه, واحد يقابل واحدة, يحبوا بعض, يدخلوا في علاقة اي كان نوعها, ويقرر الشاب انه يتجوزها. يقوم يعزمها على مطعم نضيف وفي وسط الكلام, يمد ايده في جيبه يطلع خاتم متوسط تمنه ألف دولار ويسألها "تتجوزيني؟" لو قالت آه, الفرح في معظم الأحوال عبارة عن حاجة زي كتب الكتاب كده في الكنيسه وشويه ناس بتسقف وبح على كده. لو ناس معاها فلوس, أبو العروسة بيعمل فرح ولا ييجي حاجة جنب الأفراح بتاعتنا (الا لو من عليا القوم) بعد الفرح لو فيه شهر عسل ولا حاجة, بيرجعوا يعيشوا في شقه ستوديو أو في أحسن الأحوال اوضه وصاله. في اوروبا متوسط حجمها بيكون ما بين 30-40 متر وفي امريكا الموضوع أحسن شوية وممكن يوصل اللي 60 أو 70 متر. العفش بيبقي غالبا مستعمل ولو حبوا يعملوا حاجة نضيفه جدا, بيروحوا يجيبوا عفش أي كلام من Ikea الحوار ده كله من قوله لاخره بيكلف كام؟! بتاع 3000-5000 دولار بشهر العسل بكله. أنا لما كنت بحكي لصحابي الامريكان والاوروبيين على نظام الجواز في مصر إزاي, كان بيجيلهم صدمه وبيقولوا ملعون أبو الجواز اللي كده! أنا عايز افهم البنت المصريه فيها ايه أحسن من الاوروبيه ولا الامريكيه علشان لازم تتجوز في شقه تمليك وتكون 3 اوض على الاقل؟! يعني هيحصل ايه لما تبدأ في شقه ايجار تكون اوضه وصالة زي كل الناس في العالم؟! حاجة زي الشبكه مثلا ديه المفروض هديه من العريس للعروسة في كل الثقافات اللي في تاريخ البشر, مفيش احقر ولا اوضع إن حد يحدد قيمه الهديه اللي هتجيله!! نفرض مثلا العريس كان عامل حسابه يجيب شبكه ب 50 ألف وييجي أبو العروسة يقول احنا عايزين شبكة ب 25 ألف. منظر بنته ايه قدام أهل العريس؟! إن ابوها شايف إن قيمتها اقل من اللي هم كانوا شايفينها؟! الجواز في مصر فعلا شيء مقرف وبيحصل لأسباب ملهاش علاقة بالاسباب اللي العالم كله بيتجوز علشانها, والنتيجه ايه؟! اعلي معدلات طلاق في العالم كله!!!!!! Stolen_post Egypt Bride Marriage  Fuck_you_egypt